Koku Istambulova është gruaja më e vjetër në rruzullin tokësor. Ajo jeton në Çeçeni dhe sot është 128 vjeçe.
Istambulova, thotë se ka jetuar edhe gjatë mbretërimit të Carit Nichola II, por se nuk ka parë asnjë ditë të bardhë në jetën e saj.
Në pasaportën e saj shkruhet se ka lindur më 1 Qershor 1889.
E pyetur se cili është sekreti i jetëgjatësisë së saj, Koku, e cila është nga një fshat i humbur i Çeçenisë dhe që muajin tjetër do të mbushë 129 vjeçe, thotë:
“Shikoj njerëz që bëjnë sporte, hanë shëndetshëm, ruajnë format, por as që e kam idenë se si kam jetuar deri tani. S’kam pasur as një ditë të lumtur në jetë. Kam punuar gjithmonë fort, kam gërmuar tokën. Jam e lodhur. Jeta e gjatë nuk është një dhuratë nga Zoti, por dënim për mua”, tregon gruaja më e vjetër në planet.
Fqinjët tregojnë se 5 vite më parë, Koku humbi edhe vajzën e fundit që i kishte ngelur gjallë, Tamarën, e cila jetoi deri në moshën 104 vjeçare.
